Policia ka bërë një përshkrim të trafikut në pikat që ngarkohen më shumë për shkak të kthimit të pushuesve nga bregdeti. Nga ora 16:00 e pasdites deri në orën 19:30, mbeten të ngarkuara rrugët në Gjirin e Lalëzit, në Vlorë dhe Shëngjin për shkak të fluksit të madh të pushuesve.
SITUATA E DETAJUAR E TRAFIKUT SIPAS POLICISE
- Aksi rrugor Tiranë –Durrës – Gjiri i Lalzit, ka aktualisht fluks shumë të lartë lëvizje që ka filluar rreth orës 16:30, kryesisht në Mbikalimin e Maminasit për shkak të përqëndrimit të mjeteve në korsinë e kthimit nga Gjiri i Lalzit drejt Tiranës. Patrullat e Policisë Rrugore Durrës në bashkëpunim me ato të forcave shtesë nga Tirana dhe Shijaku njoftojnë se situata është nën monitorim permanent deri në kalimin në një trafik normal.
- Aksi Rrugor Fushë Milot – Kryqëzimi i Shënkollit – Kryqëzimi Shëngjinit – Lezhë –Shkodër, ka marrë ngarkesë të madhe në kthim rreth orës 17:00. Ngarkesa në lëvizjen e mjeteve mbasdite është në drejtim të daljes prej plazheve: Tale, Shëngjin dhe Velipojë.
Pushuesit me mjetet e tyre janë në kthim kryesisht për në zonat përreth si Laçi, Miloti, Mirëdita, Lezha, Kruja dhe Tirana.
- Aksi rrugor Vlorë – Radhimë – Bregdeti, ka aktualisht fluks të lartë lëvizje kthimi nga Rrradhima për në drejtim të hyrjes në Vlorë dhe dalje nga Vlora për në drejtim të Fierit nga ora 16:00 e në vijm.
- Lëvizje të ngarkuar të mjeteve ka tani veçanërisht në segmentin rrugor nga Radhima-Kalaja/Uji Ftohtë Vlorë deri në dalje të Vlorës.
- Aksi rrugor Levan – Fier – Lushnjë ka aktualisht ngarkesë të përballueshme dhe po ndiqet nga drejtuesit e shërbimeve të Policisë Rrugore Fier dhe Lushnjë.
- Aksi rrugor Harku Berdices- Muriqan ka fluks shumë të lartë trafiku si rezultat i mjeteve që futen nga Mali Zi.
Shërbimet e Policisë të Rendit dhe Sigurisë Publike si dhe Policisë Rrugore të planifikuara janë të vendosura sipas planit që prej orës 16:00.
Policia Rrugore këshillon:
1.Respektoni distancën e sigurisë në udhetim.
- Mbani korsinë e djathtë dhe evitoni parakalimet e gabuara dhe daljen në korsinë e kundërt pasi kjo mund t’ju kushtojë gjobë dhe pezullim të lejedrejtimit.
- Kujdes me shpejtesinë; Duke tejkaluar shpejtesinë mund të “fitoni” maksimumi 20 minuta, por mund të jeni “pre” e radarëve të Policisë Rrugore dhe mund të mbeteni për një deri tre muaj pa lejedrejtimi dhe ky është një telash më shumë për ju.
- Në çdo rast vendosni rripat e sigurimit dhe kaskot, lidhni fëmijët në sediljet e pasme, kështu kthimi nga pushimet do të jetë më i sigurtë.
- Nëse keni konsumuar alkool është më mirë që mjetin ta drejtojë bashkëshortja ose dikush tjetër që nuk ka përdorur alkool.
Shfaq Komentet (0)